Одржана манифестацијата „Големата Мајка“

Во Музејот Неолитско село на археолошкиот локалитет Тумба Маџари, по четврти пат се одржа манифестацијата „Големата Мајка“организираше општина Гази Баба.

golemata_majka_06

Манифестацијата пред многубројната публика, ја отвори градоначалникот Тони Трајковски, кој ја истакна важноста на мајката, нејзиното значение за домот, семејството и животот во заедницата, всадени во корените на македонскиот народ, милениуми наназад.

elena 4

На манифестацијата беше промовиран Проектот „Ајде сите на оро“ со преработки на македонски народни песни и ора, од Сашо Митев.

Осврт на проектот„ Ајде сите на оро“, како резултат на досегашните достигнувања на професионален план од областа на македонскиот фолклор и етномузикологијата на Сашо Митев, даде Проф. Др. Родна Величковска, од Институтот за фолклор „Марко Цепенков“ од Скопје.

IMG_9409 (Copy)

Во музичкиот дел свој настап имаа Сашо Митев, Златко Мадевски , ЦЕМФ Митеви, Валентина Димитриевска и Давид Темелков. Настанот го водеа Жаклина Ангелеска Костадиновски и Петко Костов, членови на аматерскиот театар „Чекори“.

За време на манифестацијата ученици од основните училишта Крсте Мисирков, Дане Крапчев, 25 Мај, Н.Н. Борче и Вера Јоциќ, твореа ликовни творби од кои на крајот се направи изложба.
IMG_9396 (Copy)

За своето залагање и несебична помош во реализацијата на проектот Неолитско село Тумба Маџари, раководителот на проектот, Елена Канзурова му додели благодарница на Градоначалникот Тони Трајковски.

Објавено во: cooltura.mk

Comments are closed